Joriy yilning 25—29-noyabr kunlari Toshkentda “O‘zbekiston bank tizimi: hozirgi holat, tendensiyalar, yangi chaqiruvlar va yechimlar” mavzuida IV Toshkent xalqaro bank forumi bo‘lib o‘tadi.
Tadbir “SAIPRO Axborot-reyting agentligi” tomonidan O‘zbekiston Respublikasi Markaziy bankining rasmiy ko‘magida tashkil etilmoqda.
Forumning maqsadi — xalqaro bank tizimi holati, uni rivojlantirishning muammo va ustuvor vazifalari, zamonaviy bank tizimi va moliya xizmatlarini rivojlantirish tendensiyalarini muhokama etish; O‘zbekistonning investitsiyaviy imkoniyatlari bilan tanishish va xorij sarmoyalarini jalb qilishda mahalliy tijorat banklari ishtirokini ta’minlash; shuningdek, mamlakat iqtisodiyotini rivojlantirish; xalqaro amaliyotni inobatga olgan holda bank-moliya bozori ishtirokchilari o‘rtasida tajriba almashish; milliy va chet ellik bank sohasi vakillari, qolaversa bank tizimi infratuzilmasi vakillari o‘rtasida aloqalarni yo‘lga qo‘yish va mustahkamlashdan iboratdir.
Forumda dunyoning 100 dan ziyod mamlakatlaridan vazirlik va idoralar, banklar, auditorlik va moliya tashkilotlari, OTMlar, xalqaro reyting agentliklarining 200 dan ortiq vakillari ishtirok etadi.
Ishtirokchilar 25-noyabr kuni ro‘yxatga olindi. Forumning asosiy tadbirlari 26—27-noyabr kunlari bo‘lib o‘tadi.
Izoh (0)