Buxoroda 25-noyabr, chorshanba kuni terrorchilik tahdidi kuzatilganda yoki tabiiy va texnogen favqulodda holatlar yuz berganda amalga oshiriladigan harakatlar ustida ishlash bo‘yicha ikki kunlik maxsus-taktik o‘quv mashg‘ulotlari boshlandi. Bu haqda, “Gazeta.uz”ning xabar berishicha, Buxoro viloyati hokimligi matbuot xizmatiga asoslanib, “Vostochniy ekspress” ma’lum qilgan.
Reja bo‘yicha o‘tkazilayotgan mashg‘ulotlarga ichki ishlar organlari, favqulodda vaziyatlar boshqarmasi, bojxona xizmati, shoshilinch tibbiy yordam xizmatlarining tezkor bo‘linmalari, harbiy xizmatchilar va boshqa davlat idoralari jalb etilgan.
“Mashg‘ulotlar huquqni muhofaza qilish organlarining kutilmagan vaziyatlarga qay darajada tayyorligini, shuningdek, o‘z oldiga qo‘yilgan vazifalarni aniq va tezkor bajarishini ko‘rsatib beradi”, — deyiladi xabarda.
Izoh (0)