Su-24 samolyoti bilan bog‘liq hodisa juda jiddiy, voqea sabablari aniqlanmagunicha, baho berish va taxminlarni ilgari surishga erta, dedi Rossiya prezidenti matbuot kotibi Dmitriy Peskov. Bu haqda “RIA Novosti” xabar bermoqda.
“Hodisaning to‘la tafsilotlarini bilmay turib, hozirdan qandaydir baho berish, taxminlarni ilgari surish, biror bayonot bilan chiqish qilish noto‘g‘ri bo‘lardi. Shu sababli hozircha sabr qilib turish kerak. Bu juda jiddiy hodisa. Lekin to‘liq axborotga ega bo‘lmay, biror narsa deyishning iloji yo‘q. Bu noto‘g‘ri bo‘lardi”, — dedi Peskov, jurnalistlarning mazkur hodisa Moskva va Anqaraning munosabatlariga salbiy ta’sir ko‘rsatishi mumkinmi, degan savoliga javob berarkan.
Rossiya Mudofaa vazirligining ma’lum qilishicha, Rossiyaga tegishli Su-24 samolyoti, katta ehtimol bilan, yerdan berilgan zarba oqibatida Suriyada qulagan. Dastlabki ma’lumotlarga ko‘ra, uchuvchilar katapulta qilishga ulgurgan, ularning taqdiriga oydinlik kiritlmoqda.Voqea: Turkiya urib tushirgan Su-24
Izoh (0)