Су-24 самолёти билан боғлиқ ҳодиса жуда жиддий, воқеа сабаблари аниқланмагунича, баҳо бериш ва тахминларни илгари суришга эрта, деди Россия президенти матбуот котиби Дмитрий Песков. Бу ҳақда «РИА Новости» хабар бермоқда.
«Ҳодисанинг тўла тафсилотларини билмай туриб, ҳозирдан қандайдир баҳо бериш, тахминларни илгари суриш, бирор баёнот билан чиқиш қилиш нотўғри бўларди. Шу сабабли ҳозирча сабр қилиб туриш керак. Бу жуда жиддий ҳодиса. Лекин тўлиқ ахборотга эга бўлмай, бирор нарса дейишнинг иложи йўқ. Бу нотўғри бўларди», — деди Песков, журналистларнинг мазкур ҳодиса Москва ва Анқаранинг муносабатларига салбий таъсир кўрсатиши мумкинми, деган саволига жавоб бераркан.
Россия Мудофаа вазирлигининг маълум қилишича, Россияга тегишли Су-24 самолёти, катта эҳтимол билан, ердан берилган зарба оқибатида Сурияда қулаган. Дастлабки маълумотларга кўра, учувчилар катапульта қилишга улгурган, уларнинг тақдирига ойдинлик киритлмоқда.Воқеа: Туркия уриб туширган Су-24
Изоҳ (0)