Fransiyada TGV tezyurar sinov poyezdining izdan chiqib ketishiga juda kech to‘xtatilgani sabab bo‘lgan. Bu haqda mamlakat temir yo‘llar milliy jamiyati vakillari matbuot anjumani chog‘ida ma’lum qildi, deya xabar beradi Meduza.
“Tormoz berish tizimi hech bo‘lmaganda bir kilometr oldinroq ishga solinishi kerak edi. Poyezdni soatiga 176 kilometr o‘rniga 265 kilometr tezlikda to‘xtatishga harakat qilingan. Falokat yuz bergan paytda esa mashinist kabinasida to‘rt kishi o‘rniga yetti kishi bo‘lgan”, — deya ta’kidladi jamiyat rahbari Jak Rapoport.
Eslatib o‘tamiz, poyezd 14-noyabr, shanba kuni tushdan so‘ng Ekveshem shahrida izdan chiqib ketgan va Marna—Reyn kanaliga qulagan. Buning oqibatida 11 kishi halok bo‘lgan.
Izoh (0)