Hindiston janubidagi Tamilnadu shtatida kuchli yomg‘irlar tufayli ro‘y bergan toshqin qurbonlari soni 100 kishiga yetdi. Bu haqda “RIA Novosti” xabar bermoqda.
Qishloq joylaridagi uylarni suv bosgan Kansirpuram tumani toshqindan eng ko‘p jabr ko‘rdi. Shtatning ma’muriy markazi Chennai shahrida maktablar, oliy o‘quv yurtlari va nodavlat muassasalari yopilgan, chunki shaharning katta qismi uch kundan beri suv ostida qolmoqda.
Qutqaruv amaliyotlariga armiya va harbiy-havo kuchlari jalb etilgan. Shtat bosh vaziri Jayaram Jayalalitxa 75 million dollar miqdoridagi yordam jamg‘armasi tuzilganini e’lon qildi.
Eslatib o‘tamiz, oldinroq Tamilnadu shtatidagi toshqinlar oqibatida 71 kishi nobud bo‘lgani to‘g‘risida xabar bergandik.
Izoh (0)