Tergovchilar Boris Nemsov o‘ldirilishini uyushtirishda gumon qilinayotgan shaxsni Birlashgan Arab Amirliklaridan topishga harakat qilib ko‘radi. Bu haqda “Interfaks” xabar bermoqda.
Qotillikni uyushtirishda Rosiya IIV ichki qo‘shinlarining sobiq harbiy xizmatchisi Ruslan Muhiddinov gumon qilinmoqda. Tergovchilar u yashirinishi mumkin bo‘lgan Chechenistonning Shelkovskiy tumanida uni qidirib ko‘rgan, biroq bu harakatlar behuda ketgandi.
Tergov ma’lumotlariga ko‘ra, Muhiddinovning BAAda ko‘chmas mulki bor va u yerda oilasi istiqomat qiladi. Ta’kidlash lozimki, Rossiya va BAA jinoiy ishlarda gumonlanuvchi hamda ayblanuvchi shaxslarni topshirish bo‘yicha shartnoma imzolagan. Prezident Vladimir Putin yaqin orada mazkur hujjatni ratifikatsiya qilish uchun Davlat dumasiga yuborishi kutilmoqda.
Oldinroq Muhiddinov xalqaro qidiruvga berilgandi. 18-noyabr, chorshanba kuni Moskvadagi Basmanniy sudi Tergov qo‘mitasining uni sirtdan qamoqqa olish to‘g‘risidagi so‘rovini ko‘rib chiqishi kutilmoqda.
Izoh (0)