Toshkentdagi Abdulla Qodiriy ko‘chasini Amir Temur shoh ko‘chasi bilan bevosita bog‘lovchi yo‘l qaytadan ochiladi. Bu haqda Facebook’dagi “Voditeli Tashkenta” guruhida xabar qoldirilgan.
Xabarga ilova qilingan fotosuratda Abdulla Qodiriy ko‘chasidagi “Turon” to‘yxonasi oldidan Amir Temur shoh ko‘chasiga olib chiquvchi yo‘lda ta’mirlash ishlari o‘tkazilayotgani tasvirlangan.
Qarama-qarshi — Amir Temur shoh ko‘chasida joylashgan Gyote-Institut yon tomonidan Abdulla Qodiriy ko‘chasiga olib chiquvchi yo‘l ham ta’mirlanayotganiga fotoxabar muallifi alohida e’tibor qaratgan.
“Voditeli Tashkenta” guruhining aksariyat foydalanuvchilari mazkur yangilikni xursandchilik bilan kutib olgan va: “Bu ishni ancha avval qilish kerak edi”, — qabilida fikrlar qoldirgan.
Ma’lumot uchun, 2015-yil martida Abdulla Qodiriy ko‘chasi va Amir Temur shoh ko‘chasi kesishgan yo‘lni joriy yilning 25-noyabriga qadar kapital ta’mirlash uchun qiymati 1,2 milliard so‘mlik tender e’lon qilingandi.
Izoh (0)