AQShning Vashington shtati Sietl shahridagi Kapitoliy tepaligida joylashgan “Toshkent” bog‘ini rekonstruksiya qilish ishlari boshlanadi, deya xabar bermoqda “Pisma o Tashkente” nashri.
Nashrning bog‘ga yaqin hududda yashovchi mushtariylari ma’lum qilishicha, yangilash ishlari shu oyda boshlanib, 2016-yil yanvarida yakunlanadi.
“Sietlda ‘Toshkent’ bog‘i avvaldan bo‘lgan, biroq u haqda deyarli hech kim bilmasdi. Biroq ayni paytda ishlar olib borilmoqda va u haqiqiy bog‘ga aylanadi”, — dedi mushtariy.
Eslatib o‘tamiz, AQShning Vashington shtati Sietl shahridagi Bog‘lar ma’muriyati “Toshkent” bog‘ini yangilash niyatini may oyidayoq ma’lum qilgan edi.
Ma’muriyatdagilar aytishicha, loyihaning bosh maqsadi sersoya daraxtlar yordamida bog‘ manzarasini yaxshilash hisoblanadi. Bog‘ 1980-yillar oxirida barpo etilgan va Sietlga qardosh bo‘lgan Toshkent shahri sharafiga nomlangan edi. Shaharlarni qardosh qilish to‘g‘risidagi bitim 1973-yilda imzolangan.
Izoh (0)