Toshkent shahri Mirzo Ulug‘bek tumani Qorasuvbo‘yi ko‘chasida joylashgan “Avayxon” jome’ masjidining qayta qurilishdan keyingi ochilishi 6-noyabr, juma kuni bo‘lib o‘tdi. Bu haqda O‘zbekiston musulmonlari idorasi Toshkent shahar vakilligi matbuot xizmati xabar bermoqda.
O‘MI axborotiga ko‘ra, uzunligi 23 metr, eni 16 metrni tashkil etib, bir vaqtning o‘zida 700 dan ziyod namozxonlarni sig‘dira oladigan masjid binosining qurilishi 2014-yil 17-iyun kuni boshlangan edi.
Qurilish boshlanishida O‘zbekiston musulmonlari idorasi raisi, muftiy Usmonxon Alimov tashrif buyurib, xonaqohning birinchi g‘ishtini qo‘yib bergan edi.
Hozirga kelib homiylar, mahalla faollari tomonidan masjidning xonaqoh, qo‘shimcha xonalar, ayvon, darvozaxona va tahoratxona to‘liq qurib bitkazildi.
“Masjidni ochilish marosimiga O‘MI raisi, muftiy Usmonxon Alimov tashrif buyurdi va juma namozini o‘qib berdi. Muftiy hazratlari o‘z ma’ruzalarida masjid ahlining yangi masjid binosi bilan muborak etdi”, — deyiladi O‘MI axborotida.
Izoh (0)