АҚШнинг Вашингтон штати Сиэтл шаҳридаги Капитолий тепалигида жойлашган «Тошкент» боғини реконструкция қилиш ишлари бошланади, дея хабар бермоқда «Письма о Ташкенте» нашри.
Нашрнинг боғга яқин ҳудудда яшовчи муштарийлари маълум қилишича, янгилаш ишлари шу ойда бошланиб, 2016 йил январида якунланади.
«Сиэтлда ‘Тошкент’ боғи аввалдан бўлган, бироқ у ҳақда деярли ҳеч ким билмасди. Бироқ айни пайтда ишлар олиб борилмоқда ва у ҳақиқий боғга айланади», — деди муштарий.
Эслатиб ўтамиз, АҚШнинг Вашингтон штати Сиэтл шаҳридаги Боғлар маъмурияти «Тошкент» боғини янгилаш ниятини май ойидаёқ маълум қилган эди.
Маъмуриятдагилар айтишича, лойиҳанинг бош мақсади серсоя дарахтлар ёрдамида боғ манзарасини яхшилаш ҳисобланади. Боғ 1980 йиллар охирида барпо этилган ва Сиэтлга қардош бўлган Тошкент шаҳри шарафига номланган эди. Шаҳарларни қардош қилиш тўғрисидаги битим 1973 йилда имзоланган.
Изоҳ (0)