Samarqand viloyatida 2015-yilning birinchi yarim yilligida tabiiy va is gazidan zaharlanish bilan bog‘liq 9 ta holat qayd etildi. Bu haqda, viloyat Favqulodda vaziyatlar boshqarmasi ma’lumotlariga asoslanib, “Samarkandskiy vestnik” gazetasi xabar bermoqda.
Xabar berishlaricha, mazkur holatlar oqibatida 13 kishi bevaqt hayotdan ko‘z yumdi. Ma’lum bo‘lishicha, 2013—2014-yilgi kuz—qish mavsumida tabiiy va is gazidan zaharlanish bilan bog‘liq viloyatda 5 ta holat qayd etilgan.
Viloyat FVB bo‘lim mutaxassisi M.Sohobnazarovning so‘zlariga ko‘ra, is gazi asosan noto‘g‘ri foydalanilayotgan yoki nosoz isitish vositalaridan ajralib chiqadi. Bundan tashqari, kishi yong‘in vaqtida tutunga to‘lgan inshoot ichida, avtomobilning dvigateli ishlab turgan vaqtda yopiq garaj ichida bo‘lgan vaqtida ham, zaharli modda nafas yo‘li orqali organizmga o‘tishi mumkin.
Izoh (0)