Kurdiston Ishchilar partiyasi Turkiyada jangovar harakatlarga nisbatan qo‘yilgan moratoriyning amal qilishi to‘xtatilganini ma’lum qildi, deb yozadi “TASS” kurdparast telekanallar va agentliklarga tayanib.
Partiya siyosiy kengashi bayonotida aytilishicha, “hozirgi sharoitlarda moratoriyga bir taraflama rioya qilinishidan ma’no yo‘q”. “Adolat va taraqqiyot partiyasi hukumatining so‘nggi hujumlari bilan moratoriy amal qilishdan to‘xtadi. U qandaydir natija keltirishdan uzoq. Xalqimiz qarshi kurashni harakatga keltirishi kerak”, — deyiladi bayonotda.
Partiya jangovar harakatlardan bir tomonlama voz kechish haqida 9-oktabrdayoq e’lon qilgan edi. Ushbu moratoriyni u 1-noyabrda bo‘lib o‘tgan parlament saylovlariga bag‘ishladi. “Saylovdan keyin Adolat va taraqqiyot partiyasi o‘zining urush siyosatini o‘zgartirmasligini ochiqdan-ochiq ma’lum qildi”, — deyiladi Kurdiston Ishchilar partiyasi xabarida.
Izoh (0)