Курдистон Ишчилар партияси Туркияда жанговар ҳаракатларга нисбатан қўйилган мораторийнинг амал қилиши тўхтатилганини маълум қилди, деб ёзади «ТАСС» курдпараст телеканаллар ва агентликларга таяниб.
Партия сиёсий кенгаши баёнотида айтилишича, «ҳозирги шароитларда мораторийга бир тарафлама риоя қилинишидан маъно йўқ». «Адолат ва тараққиёт партияси ҳукуматининг сўнгги ҳужумлари билан мораторий амал қилишдан тўхтади. У қандайдир натижа келтиришдан узоқ. Халқимиз қарши курашни ҳаракатга келтириши керак», — дейилади баёнотда.
Партия жанговар ҳаракатлардан бир томонлама воз кечиш ҳақида 9 октябрдаёқ эълон қилган эди. Ушбу мораторийни у 1 ноябрда бўлиб ўтган парламент сайловларига бағишлади. «Сайловдан кейин Адолат ва тараққиёт партияси ўзининг уруш сиёсатини ўзгартирмаслигини очиқдан-очиқ маълум қилди», — дейилади Курдистон Ишчилар партияси хабарида.
Изоҳ (0)