Eron 13 ta Boeing 737 samolyotini sotib oldi

Eron 13 ta Boeing 737 samolyotini sotib oldi, deb xabar beradi “Vedomosti”.

“Eron aviakompaniyalari fuqarolik aviatsiya flotini to‘ldirish uchun 13 ta Boeing 737 samolyotini sotib oldi”, — deb ma’lum qildi Press TV telekanali.

“Sotib olingan samolyotlardan ikkitasi Eronga 2-noyabr, dushanba kuni yetib keladi. Boeing 737-S modifikatsiyali sakkiz samolyotdan ikkitasi Nasim Air aviatashuvchisi tomonidan sotib olingan”, — deyiladi Fars agentligi xabarida.

Caspian Airlines Eron aviatashuvchisi uchta samolyot, Aseman Airlines kompaniyasi esa mahalliy aviareyslar uchun ikkita 150 o‘rinli samolyotni xarid qildi.

Bundan tashqari, Eronning yirik aviakompaniyalaridan biri Mahan Air Britaniyaning Avro RJ samolyotini sotib oldi. The Fars News Agency’ning ta’kidlashicha, xarid qilingan barcha samolyotlardan 15 yildan ortiq foydalanilgan. Biroq xaridorlar ularning modelini tanlashda, ishlab chiqaruvchi kompaniyaning ehtiyot qismlarni yetkazib bera olishidan kelib chiqqan.