30-oktabr kuni Avstriya poytaxti Venada to‘rt yildan buyon davom etayotgan Suriya nizolari davomida uni tartibga solishga bo‘lgan eng jiddiy urinish qabul qilindi, deya xabar bermoqda “Kommersant”.
Muzokaralar stoli atrofiga birinchi marta 19 ta delegatsiya rahbarlari, jumladan, BMT Xavfsizlik kengashining doimiy a’zolari (Rossiya, AQSh, Xitoy, Fransiya, Britaniya), Yevroittifoq, BMT va Yaqin Sharq davlatlari vakillari o‘tirdi.
Muzokaralar qariyb sakkiz soat davom etdi. Uchrashuv yakunlari bo‘yicha Sergey Lavrov, Jon Kerri va Staffan de Mistura qo‘shma bayonotni e’lon qildi. U to‘qqizta banddan iborat rejani o‘z ichiga oldi.
Hujjat o‘tish davri hukumatini shakllantirish hamda konstitutsiyaviy islohotlarga olib boradigan umumiy saylovlar o‘tkazishni nazarda tutadi. Endi uni amalga oshirish zaruratiga nizoning bevosita ishtirokchilari — Suriya prezidenti Bashar Asad va muxolifatni ishontirish qoldi.
Izoh (0)