30 октябрь куни Австрия пойтахти Венада тўрт йилдан буён давом этаётган Сурия низолари давомида уни тартибга солишга бўлган энг жиддий уриниш қабул қилинди, дея хабар бермоқда «Коммерсант».
Музокаралар столи атрофига биринчи марта 19 та делегация раҳбарлари, жумладан, БМТ Хавфсизлик кенгашининг доимий аъзолари (Россия, АҚШ, Хитой, Франция, Британия), Евроиттифоқ, БМТ ва Яқин Шарқ давлатлари вакиллари ўтирди.
Музокаралар қарийб саккиз соат давом этди. Учрашув якунлари бўйича Сергей Лавров, Жон Керри ва Стаффан де Мистура қўшма баёнотни эълон қилди. У тўққизта банддан иборат режани ўз ичига олди.
Ҳужжат ўтиш даври ҳукуматини шакллантириш ҳамда конституциявий ислоҳотларга олиб борадиган умумий сайловлар ўтказишни назарда тутади. Энди уни амалга ошириш заруратига низонинг бевосита иштирокчилари — Сурия президенти Башар Асад ва мухолифатни ишонтириш қолди.
Изоҳ (0)