Turkiya mamlakat va uning tashqarisida 2000 nafar jangarini yo‘q qildi. Bu haqda prezident Rajab Toyyib Erdo‘g‘on AHaber telekanali efirida ma’lum qilgan, deya xabar beradi “RBK”.
Xabarda aynan qaysi davr haqida gap ketayotgani aniqlashtirilmagan. Turkiya mamlakatning turli hududlaridagi turkum hujumlar uchun javobgar bo‘lgan ekstremistik tashkilotlar, jumladan, IShID, Kurdiston ishchi partiyasi (KIP) hamda so‘l kayfiyatdagi guruhlarga qarshi amaliyotlarni 24-iyuldan boshladi. Ularda minglab politsiyachi va maxsus bo‘linmalar jangchilari ishtirok etmoqda.
25-iyulda esa Turkiya samolyotlari Suriya va Iroqda IShID hamda KIP marralarini bombardimon qildi.
Eslatib o‘tamiz, 10-oktabr kuni Anqarada sodir etilgan portlashlar oqibatida 120 nafardan ziyod kishi halok bo‘lgani qayd etildi. Rasmiylar mazkur teraktda IShIDni gumon qilish bilan birga KIPni ham nazardan chetda qoldirmagan.
Izoh (0)