Fransiya politsiyasi mahalliy aholiga Xellouin bayramiga boshqa odamlar uchun xavf tug‘diruvchi liboslar kiyish va rekvizit qo‘llashni taqiqlab qo‘ydi, deya xabar bermoqda The Local.
Politsiyachilar departamentning Twitter’dagi sahifasida o‘zlari xavfli deb hisoblaydigan liboslar haqida batafsil ma’lumot berdi. Shuningdek, ruxsat etilgan va maqbul bo‘lmagan libos va aksessuarlarni ko‘rsatib beruvchi tasvirlar joylandi. Xususan, to‘pponcha va miltiq maketlarini olib yurish mumkin emas.
Politsiyaning bunday qaroriga 2015-yil fevralida Nitssada sodir bo‘lgan hodisa sabab bo‘ldi. O‘shanda tartib posbonlari qo‘lida Kalashnikov avtomati bilan ko‘cha kezib yurgan kishini qo‘lga tushirish bo‘yicha katta ko‘lamda operatsiya boshlagan, u esa maskarad libosidagi 17 yoshli maktab o‘quvchisi bo‘lib chiqqan edi.
Izoh (0)