Kaliforniyada (AQSh) dunyodagi eng mashhur skeytbordchi it — Tillman laqabli ingliz buldogi 10 yoshida o‘ldi. Bu haqda “Gazeta.ru” xabar bermoqda.
2009-yili Tillman 100 metrni 19,6 soniyada bosib o‘tib, eng tezkor skeytbordchi it sifatida Ginnesning rekordlar kitobiga kirgan. “U mening eng yaqin do‘stim, birodarim va soyam edi”, — deya ta’kidladi itning egasi Ron Devis.
Buldog ishtirokidagi eng ommalashgan rolik 2007-yilda paydo bo‘ldi va YouTube saytida 20 million martadan ziyod ko‘rildi. Bu klipdan Apple kompaniyasi iPhone reklamasida foydalangan. Qazo qilgan buldogning skeytborddan tashqari, serfingga ham ishtiyoqi baland edi.
Izoh (0)