Isroil poytaxti Tel-Avivga parvoz qilgan Ispaniyaning Iberia aviakompaniyasi uchuvchilari samolyot aeroportga qo‘nganidan so‘ng yo‘lovchilarni Falastinga eson-omon kelganlari bilan tabrikladi. Bu holat samolyot bortida bo‘lgan isroilliklarning qattiq noroziligiga sabab bo‘lgan, deya xabar beradi The Local.
Aviakompaniya mazkur hodisa uchun avval uzr so‘ragan. Biroq keyinchalik, voqea yuzasidan tekshiruv o‘tkazilgach, kompaniya vakillari yo‘lovchilar uchuvchini noto‘g‘ri tushunganini bayon qildi. Ma’lum bo‘lishicha, uchuvchi aytgan destino (yetib kelish manzili) so‘zini ayrim sayyohlar “Falastin” bilan adashtirgan.
“Kapitan qo‘nish haqidagi e’lonlarning odatiy shakliga amal qilgan, — deya ta’kidlagan Iberia vakillari. — Ularda mamlakat, mintaqa yoki hududlar emas, uchish va qo‘nish manzillari eslatiladi, xolos”.
Nashrning yozishicha, yo‘lovchilarning noroziligi shu darajada kuchli bo‘lganki, uchuvchilar kabinani ichidan berkitib olishga majbur bo‘lgan.
Izoh (0)