Сурияда ҳалок бўлган россиялик аскарнинг оиласи унинг ўз жонига қасд қилганига ишонмайди, дея хабар бермоқда «Эхо Москви».
Вадим Костенконинг амакиси жиянининг танасидаги жароҳатларни ошкор қилди. Марҳум ҳарбий хизматчининг бош суяги ёрилган, бўйни ва жағи синган бўлган.
Костенконинг оиласи «Оналар ҳуқуқи» жамғармасига мурожаат қилди. Шартнома асосида хизмат қилган аскарнинг ўлими ҳолати бўйича текширувни Бош ҳарбий прокуратура олиб бормоқда.
Ҳарбий хизматчининг ўлими юзасидан текширув ишларини олиб бораётган Бош ҳарбий прокуратура ўз жонига суиқасд ҳақидаги версия, хусусан, суд-тиббий экспертизаси орқали тасдиқланганини маълум қилмоқда. Россия Мудофаа вазирлиги расмий вакили Игорь Конашенковнинг сўзларига кўра, Костенконинг ўлими ҳақида суициддан бошқа барча талқинлар бўҳтондир.
Эслатиб ўтамиз, россиялик аскар 28 октябрь, чоршанба куни ўзи туғилиб-ўсган Краснодар ўлкасидаги Гречаная Балка қишлоғида дафн этилди.
Изоҳ (0)