O‘zbekiston elchisi Bahodir Abdullayev 27-oktabr kuni Eron prezidenti Hasan Ruhoniyga ishonch yorliqlarini topshirdi, deya xabar bermoqda O‘zbekiston Tashqi ishlar vazirligi matbuot xizmati.
Marosim doirasida bo‘lib o‘tgan suhbat chog‘ida ikki davlat o‘rtasidagi o‘zaro munosabatlarning hozirgi holati va istiqbollari muhokama qilindi.
“Eron prezidenti ShHTning 2014-yildagi sammiti doirasida O‘zbekiston Prezidenti Islom Karimov bilan bo‘lib o‘tgan uchrashuv o‘zaro manfaatli aloqalarni mustahkamlashda muhim ahamiyat kasb etishini ta’kidladi”, — deyiladi vazirlik xabarida.
Shuningdek, turli yo‘nalishlardagi, xususan savdo-iqtisodiy, transport-kommunikatsiya, ilmiy-texnika, turistik va boshqa sohalardagi hamkorlikni kengaytirishdan tomonlar manfaatdor ekanligi qayd etildi.
Izoh (0)