O‘zbekiston matbuot va axborot agentligi, O‘zbekiston milliy teleradiokompaniyasi, O‘zbekiston Jurnalistlari ijodiy uyushmasi, O‘zbekiston mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi tegishli tashkilotlar bilan hamkorlikda “Keksalarni e’zozlash yili” Davlat dasturida belgilangan vazifalar ijrosi yoritilishini keng tashkil etgan ommaviy axborot vositalari vakillarini rag‘batlantirish maqsadida “Ehtirom, e’zoz, e’tirof” respublika tanlovi o‘tkazilishini e’lon qildi.
Tanlov quyidagi nominatsiyalar bo‘yicha o‘tkaziladi:
- bosma ommaviy axborot vositalari vakillari o‘rtasida “Eng yaxshi maqola”;
- televideniyeda e’lon qilingan “Eng yaxshi teledastur”;
- radio orqali efirga berilgan “Eng yaxshi eshittirish”;
- teleradiokanallarda namoyish etilayotgan “Eng yaxshi ijtimoiy rolik”;
- davlat dasturi yoritilishini keng targ‘ib qilgan “Eng yaxshi internet sayt”.
Tanlovga 2014-yilning 8-dekabridan 2015-yilning 30-noyabrgacha bo‘lgan davrda gazeta-jurnallar va internet-nashrlarida e’lon qilingan maqolalar, radio va televideniye kanallarida efirga uzatilgan ko‘rsatuv va eshittirishlar (5 tadan kam bo‘lmagan) joriy yilning 5-dekabrigacha O‘zbekiston Jurnalistlari ijodiy uyushmasi tomonidan qabul qilinadi.
Tanlov g‘oliblari dekabr oyining uchinchi o‘n kunligida aniqlanib, diplom va qimmatbaho sovg‘alar bilan mukofotlanadi hamda ularning ro‘yxati matbuotda e’lon qilinadi.
Izoh (0)