Bundesver (Germaniya qurolli kuchlari)ning 110 harbiy xizmatchisi Isroilda bo‘lib, u yerda isroillik harbiylar bilan birgalikdagi harbiy mashg‘ulotlarni o‘tkazmoqda. Bu haqda Isroilning i24news telekanali xabar berdi.
Shaxsiy tarkibdan tashqari, Germaniya besh dona og‘ir bronetexnikani ham jo‘natdi. O‘quv mashqlari G‘azo sektori bilan chegara yaqinidagi Seelim janubiy armiya bazasida o‘tkazilmoqda.
Guruh bilan birga yetib kelgan brigada generali Ernst-Peter Xorn so‘zlariga ko‘ra, mashg‘ulotlardan ko‘zlangan asosiy maqsad — shahardagi janglarda harakat qilish bo‘yicha tajriba almashish.
Xabarda ta’kidlanishicha, bu Isroil va Germaniya harbiy hamkorligi tarixidagi eng yirik qo‘shma mashg‘ulotlardir.
Izoh (0)