Бундесвер (Германия қуролли кучлари)нинг 110 ҳарбий хизматчиси Исроилда бўлиб, у ерда исроиллик ҳарбийлар билан биргаликдаги ҳарбий машғулотларни ўтказмоқда. Бу ҳақда Исроилнинг i24news телеканали хабар берди.
Шахсий таркибдан ташқари, Германия беш дона оғир бронетехникани ҳам жўнатди. Ўқув машқлари Ғазо сектори билан чегара яқинидаги Цеелим жанубий армия базасида ўтказилмоқда.
Гуруҳ билан бирга етиб келган бригада генерали Эрнст-Петер Хорн сўзларига кўра, машғулотлардан кўзланган асосий мақсад — шаҳардаги жангларда ҳаракат қилиш бўйича тажриба алмашиш.
Хабарда таъкидланишича, бу Исроил ва Германия ҳарбий ҳамкорлиги тарихидаги энг йирик қўшма машғулотлардир.
Изоҳ (0)