BAA poytaxti Abu-Dabi shahrida dzyudo bo‘yicha yoshlar o‘rtasida jahon chempionati yakunlandi. Ushbu musobaqada O‘zbekiston yoshlar terma jamoasi ham to‘liq tarkibda ishtirok etdi, deb xabar beradi “Olamsport”.
Jahon chempionatining so‘nggi kuni terma jamoalar o‘rtasidagi bahslar bo‘lib o‘tdi. Doston Ro‘ziyev, Sarvar Shomurodov, Hikmatilla To‘rayev, Davlat Bobonov, Doston Meliyev kabi iste’dodli polvonlardan iborat O‘zbekiston terma jamoasi garchi yarim finalga qadar yetib borgan bo‘lsa-da, yakunda bronza medalini ham qo‘lga kirita olmadi.
O‘zbekiston termasi avvaliga “B” tatamisida Avstraliyani mag‘lub etdi. Keyin kuchli hisoblangan Rossiya terma jamoasini yengib, guruh g‘olibi sifatida yarim finalga chiqdi. Ammo yarim finalda bo‘lajak chempion Yaponiya terma jamoasiga imkoniyat boy berildi. Bronza medal uchun kechgan bahsda esa Belarus terma jamoasi o‘zbekistonlik dzyudochilardan ustun kelib, bronza medaliga sazovor bo‘ldi.
Izoh (0)