Bugun, 26-oktabr kuni professional tennischilarning haftalik yangi reytingi e’lon qilindi, deb xabar beradi “Olamsport”.
O‘zbekistonning birinchi raqamli tennischisi Denis Istomin o‘tgan haftadagi o‘rniga nisbatan 4 pog‘ona pastlab, 57-o‘ringa tushib qoldi. Istomin kecha, 25-oktabr kuni yakuniga yetgan Moskvadagi “Kreml Kubogi”ning ikkinchi davrasida musobaqaning bo‘lajak chempioni xorvatiyalik Marin Chilichga uch set natijasiga ko‘ra imkoniyatni boy berib qo‘ygandi.
O‘zbekistonning ikkinchi raqamli tennischisi Farrux Do‘stov esa bir pog‘onaga ko‘tarilib, ayni paytda 126-o‘rinni band etgan. Do‘stov o‘tgan hafta Fransiyaning Brest shahrida o‘tkazilgan “Chellenjer” turnirining birinchi davrasida mag‘lubiyatga uchragan bo‘lsa-da, reytingda o‘sishga erishgan.
Dunyo tennischilari reytingini esa hamon katta farq bilan serbiyalik Novak Jokovich boshqarib bormoqda. Ikkinchi o‘rinni britaniyalik Endi Marrey saqlab qoldi. Shveysariyalik Rojer Federer kuchli uchlikka yakun yasagan. Kuchli o‘ntalikda hech qanday o‘zgarish kuzatilmagan.
ATP reytingi:
1 (1) Novak Jokovich (Serbiya) — 167852 (3) Endi Marrey (Buyuk Britaniya) — 82503 (2) Rojer Federer (Shveysariya) — 79304 (4) Sten Vavrinka (Shveysariya) — 66305 (5) Tomash Berdix (Chexiya) — 50006 (6) Kei Nisikori (Yaponiya) — 47057 (7) Rafael Nadal (Ispaniya) — 43308 (8) David Ferrer (Ispaniya) — 41259 (9) Milosh Raonich (Kanada) — 277010 (15) Jo-Vilfred Tsonga (Fransiya) — 2635...57 (53). Denis Istomin (O‘zbekiston) — 800...126 (127). Farrux Do‘stov (O‘zbekiston) — 452
Izoh: Qavs ichida tennischilarning o‘tgan haftadagi o‘rni berilgan.
Izoh (0)