Janubiy afrikalik Tokio Seksvale Xalqaro futbol federatsiyasi (FIFA) prezidentligiga nomzodini qo‘yadi. Bu haqda uning vakiliga tayanib, Reuters ma’lum qildi, deya xabar beradi “TASS”.
Oldinroq Janubiy Afrika futbol federatsiyasi (SAFA) sobiq siyosiy mahbus va irqiy kamsitishga qarshi kurash qahramonini qo‘llab-quvvatlashini ma’lum qildi.
Eslatib o‘tamiz, shu kungacha FIFA prezidentligiga Trinidad va Tobago terma jamoasining sobiq sardori Devid Naxid, Iordaniya shahzodasi Ali bin al-Husayn, UEFA rahbari Mishel Platini, FIFA bosh kotibining sobiq o‘rinbosari Jerom Shampan o‘z nomzodini ilgari surgan. Talabnomalar berish 26-oktabrda yakunlanadi.
Izoh (0)