Кремлдагилар Россия президенти Владимир Путин ва унинг суриялик ҳамкасби Башар Асад ўртасидаги музокаралар тафсилотларини ошкор қилишдан бош тортди, дея хабар бермоқда «РБК».
Давлат раҳбарлари Асаднинг президент лавозимидан кетиши ва эҳтимолий сиёсий кафолатларни муҳокама қилган-қилмагани ҳақида берилган саволга жавобан, Россия президенти матбуот котиби Дмитрий Песков: «Бундай тафсилотларни албатта олиб бўлмайди», — деди.
Песков Сурияда ҳудудий яхлитликни, сиёсий яхлитликни йўқотиш хавфи ҳамон устун бўлиб турган бир вазиятда сиёсий тартибга солиш ҳақида гапиришга тўғри келмаслигини таъкидлади. Унинг қайд этишича, айни пайтда террорчилик ташкилотлари билан кураш бирламчи вазифадир, шундан кейингина сиёсий тартибга солиш муаммоларидан гап очиш мумкин.
Эслатиб ўтамиз, аввалроқ Башар Асад Москвага ташриф буюрган, Путин у билан Сурияда Россия ҳарбий-космик кучлари операциясининг давом эттирилиши билан боғлиқ масалаларни муҳокама қилган эди.
Кейинроқ АҚШ ҳукумати Сурия президенти Башар Асад Россияда ташриф билан қабул қилингани юзасидан норозилик билдирди.
Изоҳ (0)