Qoraqalpog‘istonda Janubiy Koreyaning O‘zbekistondagi elchixonasi tomonidan mamlakat bo‘ylab o‘tkazilayotgan Korean week – 2015 madaniyat haftaligi tadbirlari bo‘lib o‘tdi. Bu haqda O‘zA xabar bermoqda.
Madaniyat haftaligi doirasida O‘zbekiston bilan Janubiy Koreya o‘rtasidagi do‘stlik mavzusida o‘tkazilgan tasviriy san’at tanlovi g‘oliblarini taqdirlash marosimi bo‘ldi.
Nukus shahridagi 12-bolalar musiqa va san’at maktabida koreys xalqining amaliy san’ati, “Turon” stadionida bolalar va o‘smirlar uchun futbol bo‘yicha mahorat darslari o‘tkazilib, ularda taniqli sportchilar va murabbiylar ishtirok etdi.
Xabar berishlaricha, janubiy koreyalik mutaxassislar Qoraqalpog‘iston futbol federatsiyasiga 150 dona futbol to‘pi hadya qildi. Bundan tashqari, Janubiy Koreya ijodkorlari tomonidan suratga olingan “Miss buvijon” filmi namoyish etildi.
Izoh (0)