Қорақалпоғистонда Жанубий Кореянинг Ўзбекистондаги элчихонаси томонидан мамлакат бўйлаб ўтказилаётган Korean week – 2015 маданият ҳафталиги тадбирлари бўлиб ўтди. Бу ҳақда ЎзА хабар бермоқда.
Маданият ҳафталиги доирасида Ўзбекистон билан Жанубий Корея ўртасидаги дўстлик мавзусида ўтказилган тасвирий санъат танлови ғолибларини тақдирлаш маросими бўлди.
Нукус шаҳридаги 12-болалар мусиқа ва санъат мактабида корейс халқининг амалий санъати, «Турон» стадионида болалар ва ўсмирлар учун футбол бўйича маҳорат дарслари ўтказилиб, уларда таниқли спортчилар ва мураббийлар иштирок этди.
Хабар беришларича, жанубий кореялик мутахассислар Қорақалпоғистон футбол федерациясига 150 дона футбол тўпи ҳадя қилди. Бундан ташқари, Жанубий Корея ижодкорлари томонидан суратга олинган «Мисс бувижон» фильми намойиш этилди.
Изоҳ (0)