Bugun, 21-oktabr — “Kelajakka qaytib” (Back to the Future) filmida kelajakdagi voqealar sodir bo‘lgan sana, deya xabar bermoqda Mashable.
Filmning ikkinchi qismida qahramonlar — Marti Makflay va Emmet Braun vaqt mashinasida sayohat qilish uchun 2015-yil 21-oktabr sanasini tanlagan edi.
Marti va Jennifer bilan Kaliforniya osmonida mashinada uchib ketayotib, Dok sana va vaqtni “2015-yil 21-oktabr, chorshanba soat 16:29” deya ko‘rsatadi.
Ta’kidlash joiz, 2015-yilda trilogiya birinchi film katta ekranlarga chiqqaniga 30 yil to‘lganini nishonlamoqda. “Kelajakka qaytib” filmining birinchisi 1985-yilda chiqarilgan bo‘lsa, keyingi ikkita film 1989 va 1990-yillarda ekranlarda paydo bo‘lgan. Trilogiyaga Robert Zemekis rejissorlik qilgan.
Ushbu sana o‘zbekistonliklarni ham befarq qoldirmadi. Gap shundaki, 20—22-oktabr kunlari “Yoshlar” telekanalida “Kelajakka qaytib” trilogiyasi ketma-ket efirga uzatilmoqda. Bugun 22:30 da filmning aynan ikkinchi qismi namoyish qilinadi.
Izoh (0)