Anqaradagi terakt ijrochilaridan biri 20-iyulda Shonliurfada o‘zini portlatib yuborgan, IShIDga mansub xudkushning ukasi Yunus Emre Alagez bo‘lgan. Bu haqda Turkiya bosh prokuraturasi tomonidan tarqatilgan bayonotga tayanib, “TASS” xabar qildi.
“Xudkushlardan biri Yunus Emre Alagez bo‘lgani aniqlandi. Ikkinchi xudkushning shaxsi aniqlanmoqda. U Turkiyaga janubiy chegara orqali qo‘shni davlatlardan biridan kirib kelgan”, — deyiladi bayonotda.
Shuningdek, prokuratura teraktga aloqadorlikda gumon qilib qo‘lga olinganlardan bir yarim tonna ammoniy nitrati va o‘nta xudkushlar nimchasi topilganini ma’lum qilgan.
Eslatib o‘tamiz, oldinroq Anqaradagi terakt qurbonlari soni 120 kishidan oshganligi haqida xabar qilingandi.
Izoh (0)