Shayx Muhammad ibn Rashid al-Maktumning ikkinchi o‘g‘li Hamdan ibn Muhammad al-Maktum — ijtimoiy tarmoqlarning foydalanuvchilari suyuklisi bo‘lib, ular shahzodani Disney multfilmlaridagi Olovuddinga qiyoslaydi. U 2008-yili, akasi Rashid ibn Muhammad taxtdan voz kechganidan so‘ng valiahdga aylangan va tezda matbuot yoqimtoyiga aylandi, deb yozadi TJ.
Shahzoda sayyoraning eng havas qilarli bo‘ydoqlaridan biri, xayriya va ehsonlari bilan tanilgan, Fazza taxallusi ostida sherlar yozadi va hozircha 2,6 million obunachisi bor Instagram sahifasini yuritadi.
SportShahzodaning fotoblogi orqali uzatiladigan xobbilari suratlari orasida skaydayvingdan tortib ot sportigacha bo‘lgan faol sport turlarini ko‘rish mumkin. U ot minishni Buyuk Britaniyada o‘qiyotgan vaqtida o‘rgangan bo‘lib, keyinchalik ko‘p marta ot sporti musobaqalarida, xususan, 2014-yili Fransiyada bo‘lib o‘tgan nufuzli Jahon ot o‘yinlarida g‘olib chiqqan.
TexnikaShahzoda vaqti-vaqti bilan o‘z kolleksiyasida ba’zi gadjetlarni, asosan, fotoapparatlar, so‘nggi rusumdagi smartfonlar va ekshn-kameralarni namoyish etib turadi.
BolalarRasman shahzodaning farzandi yo‘q. Hozircha. Biroq uning Instagram’ida boshqa qarindoshlarining ko‘plab fotosuratlarini topish mumkin. Ayniqsa Muhammad bin Ahmad Jobir al-Harbiyning suratlari tez-tez paydo bo‘lib turadi — u 2015-yil iyunida Epsomdagi ot poygalari vaqtida Buyuk Britaniya qirolichasini olqishlab, uning qo‘lidan tutganidan so‘ng, internetda mashhur bo‘lib ketgandi.
Sariq matbuot muntazam ravishda Hamdan u yoki bu qizni sevib qolgani yohud unashtirilgani haqida yozadi, ba’zan uning qizlarga mutlaqo befarq ekanligi haqida xabarlar paydo bo‘lib qoladi. Biroq uning o‘zi shaxsiy hayoti tafsilotlarini sir tutishni ma’qul ko‘radi.
Sayohatlar
JonivorlarUning uy hayvonlari orasida oq yo‘lbars va sherlar bor, u lochin bilan ov qilishni yaxshi ko‘radi.
Xayriya faoliyatiShayxning merosxo‘ri bir necha xayriya jamg‘armalarini qo‘llab-quvvatlaydi va mazkur jamg‘armalar tomonidan tashkil etiladigan aksiyalarda muntazam ravishda qatnashadi, donor sifatida qon topshiradi.
Izoh (0)