Анқарадаги теракт ижрочиларидан бири 20 июлда Шонлиурфада ўзини портлатиб юборган, ИШИДга мансуб худкушнинг укаси Юнус Эмре Алагез бўлган. Бу ҳақда Туркия бош прокуратураси томонидан тарқатилган баёнотга таяниб, «ТАСС» хабар қилди.
«Худкушлардан бири Юнус Эмре Алагез бўлгани аниқланди. Иккинчи худкушнинг шахси аниқланмоқда. У Туркияга жанубий чегара орқали қўшни давлатлардан биридан кириб келган», — дейилади баёнотда.
Шунингдек, прокуратура терактга алоқадорликда гумон қилиб қўлга олинганлардан бир ярим тонна аммоний нитрати ва ўнта худкушлар нимчаси топилганини маълум қилган.
Эслатиб ўтамиз, олдинроқ Анқарадаги теракт қурбонлари сони 120 кишидан ошганлиги ҳақида хабар қилинганди.
Изоҳ (0)