AQShning Michigan shtatidagi Livingston okrugi sudi Uebbervill shahrida istiqomat qiluvchi fuqaroni pul sabab landshaft dizaynerini o‘ldirgani uchun umrbod ozodlikdan mahrum etdi. Bu haqda Livingston Daily xabar bermoqda.
Tergovchilar 26 yoshli Entoni Shon Dyukning Facebook’dagi sahifasida 47 yoshli Ronald Xauzerning o‘ldirilishidan bir oy o‘tib paydo bo‘lgan postga e’tibor qaratgan. “Nima qilmoq kerak? 30 ming dollarni ishlatishim kerak”, — deya tergovchilar ayblanuvchining xabaridan iqtibos keltirdi.
Mavjud boshqa dalillardan kelib chiqib, sud Dyukni qotillikda aybdor deb topdi va ozodlikka chiqish huquqisiz umrbod ozodlikdan mahrum etish haqida hukm chiqardi.
O‘z navbatida, ayblanuvchi sudda o‘ziga qo‘yilgan barcha ayblovlarni rad etib, do‘sti va xo‘jayini, uni har doim tushungan yagona insonni o‘ldirishi mumkin emasligini ta’kidladi.
Izoh (0)