Bugun, 16-oktabr kuni Qirg‘iziston huquqni himoya qilish organlari xodimlari avvalroq tergov izolyatoridan qochgan terrorchi Doniyor Qodiraliyevni yo‘q qildi, deya xabar bermoqda “TASS” respublika IIV matbuot kotibiga tayanib.
Jinoyatchi respublika poytaxtidagi aholi yashaydigan dahada xodimga pichoq bilan hujum qilishga urinish chog‘ida otib tashlangan. Qodiraliyev Qirg‘izistonda taqiqlangan “Jayshul Mahdiy” diniy-ekstremistik tashkilot a’zosi bo‘lgan.
Izolyatordan qochgan o‘ta xavfli jinoyatchilarning qolganini qidirish bo‘yicha tadbirlar davom etmoqda.
Eslatib o‘tamiz, Qirg‘izistonning Chuy viloyatida 12-oktabr, dushanbaga o‘tar kechasi 50-raqamli tergov izolyatoridan to‘qqiz nafar mahkum uch nafar qo‘riqchini o‘ldirib, qochib ketdi. Bundan tashqari, jazoni ijro etish muassasasining bir nafar xodimi yaralangan. Politsiya tez orada olib qochilgan avtomobilni topib, besh nafar jinoyatchini qo‘lga olgandi. Qolgan uch jinoyatchi ozodlikda qolmoqda.
Izoh (0)