Чеченистонда эҳтимолий террорчиларнинг қариндошлари улар ҳақида ўзлари ҳукуматга маълумот бермоқда. Бу ҳақда, «РИА Новости» хабарига кўра, Рамзан Қодиров маълум қилди.
«Чеченистонда «Иблис давлати»га қўшилишни истаганларни излаб топиш унчалик ҳам мураккаб эмас, чунки уларнинг қариндошлари ҳам бу ҳақда билиб қолганларидан сўнг, бизга ўз қариндошларининг ҳаракатлари ҳақида хабар бермоқда», — деди Рамзан Қодиров.
Чеченистон раҳбарининг қайд этишича, аҳоли яна уруш домида қолмаслик учун эҳтимолий террорчиларга нисбатан шундай ҳаракат қилмоқда. «Халқ ўз йўлини белгилаб олган, унга учинчи чечен уруши керак эмас. Бугун халқ, энг аввало, тинч яшашдан манфаатдор», — деди Қодиров.
Изоҳ (0)