Toshkentdagi Respublika olimpiya zaxiralari tennis maktabi kortlarida yakuniga yetib borayotgan “Chellenjer” turkumiga kiruvchi, mukofot jamg‘armasi 125 ming dollardan iborat bo‘lgan turnirning juftliklar bahsida yarim final uchrashuvlari o‘tkazildi, deb xabar beradi “Olamsport”.
Musobaqada birinchi raqam ostida tasniflangan Denis Istomin juftlik bahsida yarim final chiptasini qo‘lga kiritgani haqida xabar bergan edik. Afsuski, belaruslik Aleksandr Buriy bilan juftlik hosil qilgan Istomin final ostonasida germaniyalik Andre Begemann hamda asli rossiyalik, ayni paytda Yangi Zelandiya sharafini himoya qilayotgan Artyom Sitak tandemiga 4:6, 2:6 hisobida imkoniyatni boy berib qo‘ydi.
Ta’kidlash joiz, Istomin 15-oktabrning o‘zida uchta uchrashuvda kortga chiqdi. Yomg‘ir sabab o‘yinlar bir kun keyinga kechiktirilgandi. Denis Istomin kecha, 15-oktabr kuni yakkalikda ikkinchi davra hamda chorak final uchrashuvlarida ishtirok etdi va har ikkisida raqiblarini uch set natijasiga ko‘ra raqiblarini mag‘lubiyatga uchratdi.
Izoh (0)