Londonning “Chelsi” klubi bosh murabbiyi Joze Mourinyo “Sautgempton” bilan bo‘lib o‘tgan o‘yindan keyin matbuotga bergan intervyusida uchrashuv hakamlari sha’niga nomaqbul so‘zlarni aytgan edi. Angliya futbol assotsiatsiyasi (FA) tartib-intizom qo‘mitasi vaziyatni o‘rganib chiqib, o‘z qarorini e’lon qildi, deb xabar beradi “Olamsport”.
Unga ko‘ra, Joze Mourinyo 50 000 funt sterling jarima to‘laydi. Shuningdek, shartli ravishda bitta o‘yinda stadionga qo‘yilmaydi.
“Chelsi” o‘z maydonida “Sautgempton”ga qarshi kechgan uchrashuvda 1:3 hisobida imkoniyatni boy bergan edi.
Izoh (0)