Лондоннинг «Челси» клуби бош мураббийи Жозе Моуриньо «Саутгемптон» билан бўлиб ўтган ўйиндан кейин матбуотга берган интервьюсида учрашув ҳакамлари шаънига номақбул сўзларни айтган эди. Англия футбол ассоциацияси (ФА) тартиб-интизом қўмитаси вазиятни ўрганиб чиқиб, ўз қарорини эълон қилди, деб хабар беради «Оламспорт».
Унга кўра, Жозе Моуриньо 50 000 фунт стерлинг жарима тўлайди. Шунингдек, шартли равишда битта ўйинда стадионга қўйилмайди.
«Челси» ўз майдонида «Саутгемптон»га қарши кечган учрашувда 1:3 ҳисобида имкониятни бой берган эди.
Изоҳ (0)