Rossiya bilan olib borilayotgan muloqot rivoji Yaponiya milliy manfaatlariga mos keladi va Yaponiya rahbariyati Rossiya prezidenti Vladimir Putinning rasmiy tashrifiga tayyorgarlik ko‘rishda davom etadi. Bu haqda “TASS” xabar bermoqda.
“Siyosiy muloqotni davom ettirish davlatimiz manfaatlariga mos keladi. Biz hech bir o‘zgarishlarsiz tashrifni kelishishda davom etamiz”, — dedi Yaponiya vazirlar mahkamasi bosh kotibi Yosixide Suga.
Yaponiya tashqi ishlar vaziri Fumio Kisida Tokioda tashkil etilgan alohida matbuot anjumani vaqtida Suriya atrofidagi vaziyat Rossiya prezidenti tashrifiga ta’sir qilishi ehtimoli haqidagi savolga inkor ma’nosida javob berdi.
“Rejalarimiz o‘zgargani yo‘q. Ikki mamlakat yetakchilari o‘rtasidagi uchrashuvda tashrifni joriy yilning tegishli vaqtida o‘tkazishga tayyorgarlik ko‘rishni jadallashtirishga qaror qilingan”, — dedi vazir.
Avvalroq Rossiya prezidenti Vladimir Putin Yaponiya bosh vaziri Sindzo Abening taklifini qabul qilib, Tokioga tashrif buyurishga rozi bo‘lgandi, tashrif sanalari Yaponiya tomonidan belgilanadi.
Izoh (0)