Россия билан олиб борилаётган мулоқот ривожи Япония миллий манфаатларига мос келади ва Япония раҳбарияти Россия президенти Владимир Путиннинг расмий ташрифига тайёргарлик кўришда давом этади. Бу ҳақда «ТАСС» хабар бермоқда.
«Сиёсий мулоқотни давом эттириш давлатимиз манфаатларига мос келади. Биз ҳеч бир ўзгаришларсиз ташрифни келишишда давом этамиз», — деди Япония вазирлар маҳкамаси бош котиби Ёсихиде Suga.
Япония ташқи ишлар вазири Фумио Кисида Токиода ташкил этилган алоҳида матбуот анжумани вақтида Сурия атрофидаги вазият Россия президенти ташрифига таъсир қилиши эҳтимоли ҳақидаги саволга инкор маъносида жавоб берди.
«Режаларимиз ўзгаргани йўқ. Икки мамлакат етакчилари ўртасидаги учрашувда ташрифни жорий йилнинг тегишли вақтида ўтказишга тайёргарлик кўришни жадаллаштиришга қарор қилинган», — деди вазир.
Аввалроқ Россия президенти Владимир Путин Япония бош вазири Синдзо Абенинг таклифини қабул қилиб, Токиога ташриф буюришга рози бўлганди, ташриф саналари Япония томонидан белгиланади.
Изоҳ (0)