Singapore Airlines aviakompaniyasi samolyoti Singapur aeroportida yo‘lovchi terminali yaqinida to‘xtab turgan vaqtida zarar ko‘rdi. “TASS” xabariga ko‘ra, hodisa 11-oktabr, yakshanba kuni tongda yuz berdi.
Hodisa yuz bergan vaqtda Airbus A330-300 samolyoti bortida faqat muhandis bo‘lgan. Ma’lum bo‘lishicha, hozircha noma’lum bo‘lib turgan sabab bilan samolyot old shassisi ustuni sinib, laynerning old qismi yerga qulagan, eshigi uzilib tushgan.
“Hozirgi vaqtda aviakompaniya vakillari davlat idoralari xodimlari bilan hamkorlikda hodisa sabablarini aniqlash ustida ishlamoqda”, — dedi Singapore Airlines vakili.
Izoh (0)