Facebook’dagi “Voditeli Tashkenta” guruhiga Lacetti mashinasi svetoforda to‘xtab turgan ikkita Matiz avtomobilini urib ketgani tasvirlangan video joylashtirildi.
Avtomobil videoregistratorida yozib olingan videoda davlat raqami 01 W 825 DA bo‘lgan oq Lacetti avtomobili svetoforning qizil chirog‘ida to‘xtab turgan ikkita kulrang Matiz’ni urib yuborgani, ulardan birining ustiga chiqib ketganini ko‘rish mumkin. Matiz’lardan birining davlat raqami 01 Z 416 KA, ikkinchisining davlat raqami esa videoda aniq ko‘rinmagan.
Videoregistratordagi yozuvlarga ko‘ra, voqea 2015-yil 28-sentabr kuni, soat 16:31 da sodir bo‘lgan.
Post ostida izoh qoldirgan foydalanuvchilar Lacetti haydovchisini keskin tanqid qildi. Uning tormoz va gaz pedalini adashtirib qo‘yganini taxmin qilindi. Yana bir foydalanuvchi haydovchi “Taksi” filmidan ilhomlanib, tirbandlikdan ikki g‘ildirak bilan o‘tib ketishga uringan deb hazilga oldi.
Guvohlar ushbu hodisa Toshkent shahridagi Ahmad Donish va Moyqo‘rg‘on ko‘chalari kesishmasida sodir bo‘lganini, Lacetti’ni yosh yigit boshqarganini aytmoqda.
Izoh (0)