Facebook’даги «Водители Ташкента» гуруҳига Lacetti машинаси светофорда тўхтаб турган иккита Matiz автомобилини уриб кетгани тасвирланган видео жойлаштирилди.
Автомобиль видеорегистраторида ёзиб олинган видеода давлат рақами 01 W 825 DA бўлган оқ Lacetti автомобили светофорнинг қизил чироғида тўхтаб турган иккита кулранг Matiz’ни уриб юборгани, улардан бирининг устига чиқиб кетганини кўриш мумкин. Matiz’лардан бирининг давлат рақами 01 Z 416 KA, иккинчисининг давлат рақами эса видеода аниқ кўринмаган.
Видеорегистратордаги ёзувларга кўра, воқеа 2015 йил 28 сентябрь куни, соат 16:31 да содир бўлган.
Пост остида изоҳ қолдирган фойдаланувчилар Lacetti ҳайдовчисини кескин танқид қилди. Унинг тормоз ва газ педалини адаштириб қўйганини тахмин қилинди. Яна бир фойдаланувчи ҳайдовчи «Такси» фильмидан илҳомланиб, тирбандликдан икки ғилдирак билан ўтиб кетишга уринган деб ҳазилга олди.
Гувоҳлар ушбу ҳодиса Тошкент шаҳридаги Аҳмад Дониш ва Мойқўрғон кўчалари кесишмасида содир бўлганини, Lacetti’ни ёш йигит бошқарганини айтмоқда.
Изоҳ (0)