Hali bir yarim yoshga ham to‘lmagan bolakay onasi va opasi bilan birga Avstraliyaning Brisben shahrida ro‘y bergan yo‘l-transport hodisasi jabrlanuvchisiga aylandi. Bu haqda MedPortal xabar bermoqda.
Avariya oqibatida mitti Jekson Teylorning boshi qariyb uzilib ketdi — bosh joyida qolgani bilan, ichki shikastlanishlar shu darajadagi jiddiy ediki, bosh qismi bo‘yindan to‘liq ajralib qolgandi.
Olti soat davom etgan operatsiya davomida bolakayning qovurg‘a qismlari yordamida uning umurtqasi butunligi ta’minlandi. Endi uning boshi tanaga mahkamlangan maxsus halqa bilan qotirib qo‘yilgan.
Ayyor mexanizm shikastlangan tana qismlarini qayta tiklanishi uchun zarur bo‘lgan ikki oylik muddat davomida aynan shu qismlarning qimirlamasligini ta’minlaydi, shundan so‘ng bola halqani yechib, odatiy hayot tarzini davom ettirishi mumkin.
Bola hozirning o‘zidayoq yurishni boshlagan va bu holat shifokorlarni ham, uning ota-onasini ham quvontirmoqda. Qayd etishlaricha, avariya oqibatlari bolakayning jismoniy rivojlanishi va salomatligiga ta’sir qilmaydi.
Jarroh Jeff Askinning tan olishicha, bola shunday jarohatdan so‘ng omon qolganining o‘zi hayratlanarli, mustaqil ravishda nafas olib, harakatlana olayotganini esa mo‘jizaga qiyoslasa bo‘ladi.
Izoh (0)