Ҳали бир ярим ёшга ҳам тўлмаган болакай онаси ва опаси билан бирга Австралиянинг Брисбен шаҳрида рўй берган йўл-транспорт ҳодисаси жабрланувчисига айланди. Бу ҳақда MedPortal хабар бермоқда.
Авария оқибатида митти Жексон Тейлорнинг боши қарийб узилиб кетди — бош жойида қолгани билан, ички шикастланишлар шу даражадаги жиддий эдики, бош қисми бўйиндан тўлиқ ажралиб қолганди.
Олти соат давом этган операция давомида болакайнинг қовурға қисмлари ёрдамида унинг умуртқаси бутунлиги таъминланди. Энди унинг боши танага маҳкамланган махсус ҳалқа билан қотириб қўйилган.
Айёр механизм шикастланган тана қисмларини қайта тикланиши учун зарур бўлган икки ойлик муддат давомида айнан шу қисмларнинг қимирламаслигини таъминлайди, шундан сўнг бола ҳалқани ечиб, одатий ҳаёт тарзини давом эттириши мумкин.
Бола ҳозирнинг ўзидаёқ юришни бошлаган ва бу ҳолат шифокорларни ҳам, унинг ота-онасини ҳам қувонтирмоқда. Қайд этишларича, авария оқибатлари болакайнинг жисмоний ривожланиши ва саломатлигига таъсир қилмайди.
Жарроҳ Жефф Аскиннинг тан олишича, бола шундай жароҳатдан сўнг омон қолганининг ўзи ҳайратланарли, мустақил равишда нафас олиб, ҳаракатлана олаётганини эса мўъжизага қиёсласа бўлади.
Изоҳ (0)