Indoneziya hukumati Aviastar aviakompaniyasining Sulavesi oroliga parvoz qilish vaqtida bedarak yo‘qolgan samolyotini izlash ishlarini qaytadan boshladi. Bu haqda “RBK” xabar bermoqda.
Reuters axborotiga ko‘ra, samolyot bortida 10 kishi bo‘lgan. Samolyot Makasar shahriga qo‘nishiga reja bo‘yicha uch daqiqa qolganida aeroport bilan aloqani yo‘qotgan.
Aviastar aviakompaniyasining parvozlar boshqarmasi vakilining ma’lum qilishicha, qutqaruvchilar qidiruv ishlarini 2-oktabr kuni oqshomda boshlagan. Qutqaruvchilar uchuvchining signali va yo‘lovchilarning mobil telefonlari to‘lqinlarini tutish maqsadida tog‘li hududda qidiruv ishlarini olib borgan.
Izoh (0)